जावलीत कोरोनाबाधितांचा आकडा साडेपाचशे पार
एकूण – ५५४, बळी १९, डिस्चार्ज ४४१, अँक्टिव्ह ९४
सूर्यकांत जोशी कुडाळ – जावली तालुक्यात आज महिगाव ८, रिटकवली १, सरताळे १,कुडाळ १ अशा अकरा कोरोना बाधितांची वाढ झाली आहे. तसेच तीन जण कोरोना वर मात करुन घरी परतले आहेत. अशी माहिती जावली पंचायत समितीचे गटविकास अधिकारी सतीश बुद्धे यांनी दिली आहे.दरम्यान मंगळवारी घेण्यात आलेल्या सुमारे ७५ स्वाबचे अहवाल लँबकडून आज रात्री दहा पर्यंत प्राप्त झाले नाहीत
काल महिगाव येथे कोरोना बाधित रुग्ण आढळल्याने या रुग्णाच्या संपर्कातील लोकांची आज अँन्टीजेन कोरोना टेस्ट घेण्यात आली या मध्ये आठ जणांचा अहवाल कोरोना बाधित आला.सरताळे येथील एकाचा अहवाल पाँझिटीव्ह आला आहे. तर सातारा येथील खाजगी रुग्णालयात उपचार घेत असलेल्या रिटकवली व कुडाळ येथील एकाचा अहवाल कोरोना बाधित आला आहे.
जावलीतील सोमर्डी व रिटकवली गावांना कन्टेमेंट झोनचे निर्बंध लागू ; – मिनाज मुल्ला
जावली तालुक्यातील सोमर्डी व रिटकवली या गावात कोरोना बाधित रूग्ण आढळल्याने जावलीचे तहसीलदार तथा आपत्ती व्यवस्थापन समिती अध्यक्ष शरद पाटील , गटविकास अधिकारी सतीश बुद्धे व तालुका वैद्यकीय अधिकारी भगवान मोहिते यांच्या संयुक्त अहवाला नुसार वरील सोमर्डी व रिटकवली गावात कन्टेमेंट झोन चे निर्बंध लागू करण्यात येत असल्याचा आदेश सातारा जावलीचे उपविभागीय अधिकारी तथा इंसिडेंट कमांडर मिनाज मुल्ला यांनी पारीत केला आहे.
