जावली तालुक्यात आज तब्बल तीस जणांचा अहवाल कोरोना पाँसिटीव्ह
सूर्यकांत जोशी कुडाळ – जावली तालुक्यात आज तब्बल तीस जणांचा अहवाल कोरोना पाँसिटीव्ह आला आहे. यामध्ये पुनवडी येथील २९ , व मेढा १ येथील यांचा समावेश आहे. अशी माहिती पंचायत समितीचे गटविकास अधिकारी सतीश बुद्धे यांनी दिली आहे.
दरम्यान पुनवडी या गावातील कोरोना बाधितांची संख्या आता पंचाहत्तर वर पोहचली असून ही साखळी तोडण्याचे मोठे आव्हान प्रशासनापुढे उभे ठाकले आहे.
दापवडी येथील एक जण कोरोना बाधित
मंगळवारी रात्री उशिरा आलेल्या अहवालात दापवडी येथील एकाचा कोरोना पाँसिटीव्ह अहवाल आला आहे. अशीमाहिती तालुका वैद्यकीय अधिकारी भगवान मोहिते यांनी दिली आहे.सदर तीस वर्षीय पुरुष पांचगणी येथे एका पँथालाँजी लँबमध्ये काम करत होता. त्यासाठी तो दापवडी ते पांचगणी दररोज प्रवास करत होता. त्यामुळे या व्यक्तीच्या संपर्कात अनेक लोक आल्याची शक्यता स्थानिक लोकांमधुन व्यक्त होत आहे.
जावलीतील दापवडी व तेटली या गावांना कन्टेमेंट झोनचे निर्बंध लागू ; – मिनाज मुल्ला
जावली तालुक्यातील दापवडी व तेटली येथे कोरोना बाधित रूग्ण आढळल्याने जावलीचे तहसीलदार तथा आपत्ती व्यवस्थापन समिती अध्यक्ष शरद पाटील , गटविकास अधिकारी सतीश बुद्धे व तालुका वैद्यकीय अधिकारी भगवान मोहिते यांच्या संयुक्त अहवाला नुसार या गावाना कन्टेमेंट झोन चे निर्बंध लागू करण्यात येत असल्याचा आदेश सातारा जावलीचे उपविभागीय अधिकारी तथा इंसिडेंट कमांडर मिनाज मुल्ला यांनी पारीत केला आहे.
मार्ली गावाचे कन्टेमेंट झोनचे निर्बंध शिथिल
जावली तालुक्यातील मार्ली या गावांत कोरोना पाँसिटीव्ह रुग्ण आढळल्याने कन्टेमेंट झोन चे निर्बंध लागू करण्यात आले होते. परंतू निर्धारित कालावधीत या गावांत अन्य कोरोना बाधित रुग्ण न आढळल्याने जावलीचे तहसीलदार तथा आपत्ती व्यवस्थापन समिती अध्यक्ष शरद पाटील , गटविकास अधिकारी सतीश बुद्धे व तालुका वैद्यकीय अधिकारी भगवान मोहिते यांच्या संयुक्त अहवाला नुसार या गावातील कन्टेमेंट झोन चे निर्बंध शिथील करण्यात येत असल्याचा आदेश सातारा जावलीचे उपविभागीय अधिकारी तथा इंसिडेंट कमांडर मिनाज मुल्ला यांनी पारीत केला आहे.
