जावलीत कोरोना बाधितांचा आकडा अडिचशेच्या उंबरठ्यावर

   जावलीत कोरोना बाधितांचा आकडा अडिचशेच्या उंबरठ्यावर

जावलीत एकूण २४९,  बळी ११, मुक्त ११२, अँक्टिव्ह १२६

सूर्यकांत जोशी कुडाळ – जावली तालुक्यातील  पुनवडी येथे आज आणखी १६ रुग्णांचा अहवाल कोरोना पाँसिटीव्ह आला आहे. अशी माहिती गटविकास अधिकारी सतीश बुद्धे यांनी दिली.पुनवडी येथील कोरोना बाधितांचा आकडा नव्वद वर पोहचला आहे.  एकूण १०७ लोकांच्या स्वाबचे अहवाल तपासणी साठी  पाठवण्यात आले होते. पैकी ९१ निगेटिव्ह आले आहेत.

             तालुक्यात दिवसेंदिवस कोरोनाचा प्रभाव वाढत आहे. पुनवडीच्या साखळीने धास्ती वाढत आहे. त्याच बरोबर अनेक गावांत नव्याने कोरोना बाधित रुग्ण आढळत आहेत. प्रवाशां बरोबरच आता सहवासित कोरोना बाधितांची  दररोज भर पडत आहे.दरम्यान सरताळे येथील कोरोना बाधितांच्या सहवासातील संशयितांचे अहवाल निगेटिव्ह आले आहेत.

पुनवडीच्या सरपंचासह चौघांवर गुन्हा दाखल करणार – तहसीलदार

         पुनवडीत संचारबंदी कायद्याचे व जमावबंदी आदेशाचे उल्लंघन झाले आहे. तसेच होमक्वारंटाईनचे नियम पाळण्यात आले नाहीत.आपत्ती व्यवस्थापन कायद्याचा भंग केल्या प्रकरणी पुनवडीच्या सरपंचासह चौघांवर लवकरच गुन्हा दाखल करण्यात येणार असल्याची माहिती तहसीलदार शरद पाटील यांनी दिली आहे.

जावलीतील मेढा येथील प्रभाग  ११ व १४ ला मायक्रो कन्टेमेंट झोनचे निर्बंध लागू ; – मिनाज मुल्ला

            जावली तालुक्यातील मेढा येथे कोरोना बाधित रूग्ण आढळल्याने जावलीचे तहसीलदार तथा आपत्ती  व्यवस्थापन समिती अध्यक्ष शरद पाटील , गटविकास अधिकारी सतीश बुद्धे व तालुका वैद्यकीय अधिकारी भगवान मोहिते यांच्या संयुक्त अहवाला नुसार या  गावातील प्रभाग क्र ११ व  ९ १४ – रेव्हेन्यू क्लब ते नरसिंह मंदिर दरम्यान मायक्रो कन्टेमेंट झोन चे निर्बंध लागू करण्यात येत  असल्याचा आदेश सातारा जावलीचे उपविभागीय अधिकारी तथा इंसिडेंट कमांडर मिनाज मुल्ला यांनी पारीत केला आहे.